Home ప్రకాశం వైసిపి కార్యకర్తలపై అక్రమ అరెస్టులు ఆపకపోతే…: డాక్టర్ అమృతపాణి

వైసిపి కార్యకర్తలపై అక్రమ అరెస్టులు ఆపకపోతే…: డాక్టర్ అమృతపాణి

511
0

చీరాల : వైసిపి కార్యకర్తలపై అధికారపార్టీ వత్తిడితో పెడుతున్న అక్రమ అరెస్టులు ఎత్తేయకపోతే ఆందోళన చేయాల్సి వస్తుంది వైసిపి రాష్ట్ర కార్యదర్శి డాక్టర్ వరికూటి అమృతపాణి పేర్కొన్నారు. అమ్మ హాస్పిటల్ ఆవరణలో సోమవారం జరిగిన విలేకరుల సమావేశంలో ఆయన మాట్లాడారు. ఈపురుపాలెం ఎస్ఐ, మరో ఇద్దరు కానిస్టేబుళ్లు ప్రభుత్వ హాస్పిటల్లో కిడ్నీ జబ్బుతో వైద్యం చేయించుకుంటున్న తమపార్టీ కార్యకర్త బాబును బలవంతంగా అరేసు చేసి రికార్డులో మాత్రం ఎక్కడో దొరికాదని తప్పుడు నివేదిక చూపారని ఆరోపించారు. పరామర్శకు తాము హాస్పిటల్కు వెళ్లిన సమయంలో తమముందే లాక్కెళ్లి మార్చి చెప్పారని పేర్కొన్నారు.

చర్చి వద్ద చిన్న వివాదాన్ని అధికార పార్టీ నేతల వత్తిడితో ఎస్ఐ అనవసర రాద్ధాంతం చేశారని అన్నారు. ఈ ఘటనలో పోలీసుల తీరుపై డిఐజిని కలిసి వివరిస్తామన్నారు. పోలీస్ తీరు మార్చుకోకుంటే ఆందోళన చేయాల్సి వస్తుంది హెచ్చరించారు. సమావేశంలో కొత్తపేట మాజీ సర్పంచి చుండూరు వాసు, మునిసిపల్ కౌన్సిలర్ పొత్తూరి సుబ్బయ్య, అమృతపాణి యువసేన నాయకులు కనపర్తి బజ్జిబాబు, గోసాల అశోక్, వైసీపీ ఎస్సి సెల్ రాష్ట్ర కార్యదర్శి పేర్లి నాని, నాయకులు దక్కుమల్ల ప్రేమ్ కుమార్, విద్యార్థి నాయకులు యాతం క్రాంతికుమార్ పాల్గొన్నారు.