– డిల్లీలో వైభవంగా జరిగిన అవార్డు ప్రధాన కార్యక్రమం
– జాతీయ స్థాయిలో దేవరాజు సేవలకు గుర్తింపు
డిల్లీ : రెడిసన్ హోటల్ లో ఆదివారం యంగ్ అచీవర్ అవార్డు పంపిణీ కార్యక్రమం అంగ రంగ వైభవంగా నిర్వహించారు. చీరాల శ్రీ కామాక్షి కేర్ హాస్పటల్ అధినేత, చీరాల జిల్లా సాధన కన్వీనర్ తాడివలస దేవరాజు ఆసియా ఫసిఫిక్ ఎక్స్లెన్స్ యంగ్ అచేవర్ అవార్డు అందుకున్నారు.
కార్యక్రమంలో వివిధ రంగాల్లో ప్రతిభ చూపిన యువతకు అవార్డులు, డాక్టరేస్ట్స్ అందజేశారు. ఇందులో మన తెలుగు రాష్ట్రాల నుంచి చీరాలకు చెందిన తాడివలస దేవరాజు అవార్డ్ అందుకున్నారు. సేవ, ఆధ్యాత్మక, విద్య, వైద్యం, ఉపాధి వంటి వివిధ రంగాల్లో అందించిన సేవలకు గుర్తింపుగా దేవరాజు ఈ అవార్డుకు ఎంపికయ్యారు. ఎంతో ప్రతిష్టాత్మకమైన అవార్డ్ ను అందుకున్న దేవరాజు మాట్లాడుతూ దేశ రాజధానిలో ఎంతో ప్రతిష్టాత్మకమైన అవార్డును అందుకోవటం చాలా సంతోషంగా ఉందన్నారు. ఎంతో మంది సహకారంతో తాను ఈ స్థాయికి వచ్చానని తెలిపారు. తనకి సహకరించిన అందరికీ కృతజ్ఞతలు తెలిపారు. అవార్డ్ అందుకున్న దేవరాజును వివిధ సంఘాల ప్రతినిధులు, వైద్య సిబ్బంది అభినందించారు.
