చీరాల : ఉపాధ్యాయునిగా విధినిర్వ‌హ‌ణ‌లో గుండెపోటుతో మృతి చెందిన ఐక్య‌న‌గ‌ర్‌కు చెందిన ఎస్‌జిటి ఉపాధ్యాయులు టంగుటూరి ప్రతాప్ కుమార్ సంతాప సభ చీరాల యుటిఎఫ్ ప్రాంతీయ కార్యాలయంలో బుధ‌వారం నిర్వ‌హించారు. స‌భ‌కు బొడ్డు బాలచందర్ అధ్యక్షత వ‌హించారు. స‌భ‌లో ప‌లువురు వ‌క్త‌లు మాట్లాడుతూ ప్రతాప్ కుమార్ యుటిఎఫ్ జరుగుమల్లి మండల ప్రధాన కార్యదర్శిగా విశిష్టమైన సేవలందించారని చెప్పారు. చీరాల మండలం యుటిఎఫ్ కార్యదర్శిగా ప‌నిచేస్తూ అందించిన సేవలు మరువలేనివని యుటిఎఫ్ జిల్లా కార్యదర్శి బండి లక్ష్మీనారాయణ కొనియాడారు.
ఆంధ్రప్రదేశ్ ఐక్య ఉపాధ్యాయ ఫెడరేషన్ (యుటిఎఫ్) పట్ల ప్రతాప్ కుమార్ విధేయతతో పాల్గొనేవారి, ఉపాధ్యాయుల సంక్షేమం కోసం నిరంతరం కృషి చేసే వారని యుటిఎఫ్ జిల్లా కార్యదర్శి సూరిబాబు పేర్కొన్నారు. ప్రతాప్ కుమార్ యుటిఎఫ్ కుటుంబ సంక్షేమ పథకంలో సభ్యులుగా ఉన్నందున ఆ పధక సంఘీభావ విరాళంగా ఆయ‌న ధర్మపత్ని సుభాషినికి రూ.1,50,000/-లను యుటిఎఫ్ జిల్లా కార్యదర్శి బండి లక్ష్మీనారాయణ చేతులమీదుగా అందజేశారు. కార్యక్రమంలో యుటిఎఫ్ రాష్ట్ర కౌన్సిలర్ కె వీరాంజనేయులు, జిల్లా సహాయ కార్యదర్శి శ్రీనివాసరావు, జనవిజ్ఞాన వేదిక రాష్ట్ర కార్యదర్శి కుర్ర రామారావు, జిల్లా ఆడిట్ కమిటీ సభ్యులు షేక్ మహమ్మద్ ఖాసీం, చీరాల తాలూకా ఎన్జీవో అధ్యక్షుడు శేషుబాబు, మండల ప్రధాన కార్యదర్శి సుభాని, సిహెచ్ రవి, పి సురేష్, షేక్ జానీబాషా ,ఎల్ శ్రీను, పావులూరు శ్రీను, జయవర్ధన్ రాజు, లూక, హర్ష పాల్గొన్నారు.
