జ‌గిత్యాల : కొండగట్టు ఘాట్ రోడ్ కింద ఆర్‌టిసి బస్సు బోల్తా ప‌డింది. మంగ‌ళ‌వారం రోడ్డుపై నుండి 15అడుగుల‌కుపైగా లోతులో ప‌డింది. ప్ర‌మాదంలో బస్సులో ఉన్న 80 మంది ప్ర‌యాణికులు గాయ‌ప‌డ్డారు. వీరిలో చిన్న‌పిల్ల‌లు, వృద్దులు ఉన్నారు. ఎంత మంది మృతి చెందారు? ఎంత మందికి తీవ్ర గాయాల‌య్యాయ‌నే వివ‌రాలు తెలియాల్సి ఉంది. ప్ర‌మాదం విష‌యం తెలుసుకున్న స‌మీప గ్రామ ప్ర‌జ‌లు పెద్ద సంఖ్య‌లో అక్క‌డికి చేరుకున్నారు. 108సిబ్బందీ చేరుకున్నారు. బస్సులో గాయాల‌తో ఉన్న క్ష‌త‌గాత్రుల‌ను జ‌గిత్యాల ఆసుప‌త్రికి త‌ర‌లించారు. క‌లెక్ట‌ర్, ఎస్‌పి ఘ‌ట‌నా స్థ‌లాన్ని ప‌రిశీలించారు. క్ష‌త‌గాత్రుల‌కు త‌క్ష‌ణ వైద్య స‌హాయం అందించేందుకు చ‌ర్య‌లు తీసుకున్నారు. ప్ర‌మాదానికి కార‌ణాలు ప‌రిశీలిస్తున్నారు.
https://youtu.be/j5aVpYXqSKc
