చీరాల : కార్తీక మాస బ్రాహ్మణ వన సమారాధన మహోత్సవం చీరాల స్వర్ణ రోడ్డులోని శివ దత్త క్షేత్రంలో ఆదివారం ఘనంగా నిర్వహించారు. ఈ సందర్భంగా ప్రముఖులు మాట్లాడుతూ ఇటువంటి సందర్భాల్లో బ్రాహ్మణుల ఐక్యతను చాటాలని అన్నారు. వివిధ స్థాయిల్లో ప్రతిభావంతులైన బ్రాహ్మణుల అభివృద్ధిని గుర్తించి వారిని సన్మానించాలని సూచించారు. అందులో భాగంగా చీరాల్లో ఉపాధ్యాయులుగా పనిచేస్తూ ఉత్తమ ఉపాధ్యాయ అవార్డు పొందిన పవని భానుచంద్రమూర్తిని ఘనంగా సన్మానించారు. వన సమారాధన బ్రాహ్మణ సేవా పరిషత్ ఆధ్వర్యంలో ఘనంగా నిర్వహించారు.
