కొడేపి : వైఎస్ఆర్‌సిపి నియోజ‌వ‌క‌ర్గ నాయ‌కులు వ‌రికూటి అశోక్‌బాబు ఆదివారం డాక్ట‌ర్ వైఎస్ఆర్ 9వ వ‌ర్ధంతి సంద‌ర్భంగా నియోజ‌క‌వ‌ర్గంలో ప‌ర్య‌టించారు. నియోజ‌క‌వ‌ర్గంలోని ఆరు మండ‌ల కేంద్రాలు, వివిధ గ్రామాల్లోని వైఎస్ఆర్ విగ్ర‌హాల‌కు పూల‌మాల‌లు వేసి నివాళుల‌ర్పించారు. శింగ‌రాయ‌కొండ మండ‌లంలో ప‌ర్య‌టిస్తుండ‌గా ఒ వృద్దురాలు అశోక్‌బాబుకు ఎదురు వ‌చ్చింది. నాలుగేళ్లుగా గ్రామానికి వ‌చ్చి ప‌ల‌క‌రిస్తూ పార్టీని న‌డుపుతున్న నీకు అన్యాయం చేశారా? నీకు సీటు రాకుండా కుట్ర చేశారా? అంటూ క‌న్నీళ్లు పెట్టుకున్నారు.
అదిగ‌మ‌నించిన అశోక్‌బాబు ఆమెను ఓదార్చారు. పార్టీ అధిష్టానం అన్నీ ప‌రిశీలిస్తుంద‌ని, జ‌గ‌న్‌పై త‌న‌కు న‌మ్మ‌కం ఉంద‌ని, మ‌ద్య‌లో ప‌ట్టిన చీడ‌పురుగులు కొంద‌రు చేసిన ప‌నేన‌ని ఓదార్చారు. త‌మ నాయ‌కుడు వైఎస్ఆర్ స్పూర్తితో జ‌గ‌న్ వెంట‌నే ఉంటామ‌ని, జ‌గ‌న్ సీటు ఇవ్వ‌క‌పోతే ప్ర‌జ‌ల మ‌ద్ద‌తుతో ఒంట‌రిగా ఎన్నిక‌ల పోరులోఉంటాన‌ని చెప్పారు.
