టంగుటూరు : స్ఫూర్తి సేవా సంస్థ ఆధ్వర్యంలో అంబేద్కర్ నగర్ లో స్వర్గీయ బొడ్డు నరసింహం మెమోరియల్ హాల్ నందు స్ఫూర్తి సేవా సంస్థ గౌరవ సలహాదారులు, ఆదాయపు పన్ను శాఖ అధికారి బొడ్డు వెంకటేశ్వర్లు సహకారంతో టంగుటూరు మండలం తాళ్లపాలెం గ్రామానికి చెందిన పల్లెకారుల కుటుంబానికి చెందిన కన్నా నరసింహారావు అనే యువకునికి, వెస్ట్ పోతుల కాలనీకి చెందన షేక్ నజీమా అనే బాలికకు, జరుగుమల్లి గ్రామానికి చెందన బొడ్డు అజయ్ కుమార్ అనే యువకునికి త్రీ వీల్ చైర్లను పంపిణీ చేశారు. కార్యక్రమానికి ప్రత్యేక ఆహ్వానితులుగా ఆదాయపు పన్ను శాఖ అధికారి కురుగుంట్ల సెల్వన్ రాజ్ హాజరయ్యారు.
కార్యక్రమంలో వైసిపీ సీనియర్ నాయకురాలు బొడ్డపాటి వెంకట అరుణ, జడా కోటయ్య, స్పూర్తి ప్రతినిధులు బొడ్డు శ్రీనివాసరావు, దుగ్గిరాల సునీల్, నత్తల బుజ్జి, నత్తల క్రాంతి కుమార్, తుల్లిబిల్లి చరణ్ కుమార్, గడ్డం ఆనంద్, పులగర నవీన్, నన్నే నభి, కారుమంచి తేజ, కొమ్ము కోటయ్య, దుగ్గిరాల బుజ్జి పాల్గొన్నారు. చిన్నతనంలోనే పోలియో, ఇతర వ్యాధుల బారినపడి ఇబ్బందులు పడుతున్న తమ పిల్లలకు వీల్ చైర్లు ఇచ్చి సహాయం అందించిన స్ఫూర్తి సేవా సంస్థ వ్యవస్థాపకులు, ఆదాయపన్నుల శాఖ అధికారి బొడ్డు వెంకటేశ్వర్లు సేవాదృక్పధానికి కన్నా నరసింహారావు, షేక్ నజీమా, బొడ్డు అజయ్ కుమార్ తల్లిదండ్రులు, ఆయా గ్రామాల ప్రజలు కృతజ్ఞతలు తెలియజేశారు.
