ఒంగోలు : ఎస్సీ, ఎస్టీ ట్రాక్టర్ ఓనర్ల సబ్సిడీ సమస్యపై డిసిసిబి చైర్మన్, వైసిపి కొండేపి ఇంచార్జి డాక్టర్ మాదాసు వెంకయ్యకు ఔత్సాహిక పారిశ్రామికవేత్తల ప్రతినిధి వి భక్తవత్సలం వినతిపత్రం అందజేశారు. రాష్ట్ర వ్యాప్తంగా పెండింగ్లో ఉన్న ఎస్సీ, ఎస్టీ ట్రాక్టర్ లబ్ధిదారుల సబ్సిడీ మంజూరు చేయించాలని కోరారు. ఈ సందర్భంగా ఆయన పరిశ్రమల శాఖ కమిషనర్ సుబ్రహ్మణ్యంతో చర్చించారు. ఎస్సీ, ఎస్టీ ట్రాక్టర్ లబ్ధిదారుల సమస్య పరిష్కారానికి నూతన గైడ్ లైన్స్ రూపొందిస్తున్నట్లు కమిషనర్ వివరించారు. నూతన గైడ్ లైన్స్ వీలైనంత త్వరలో జిల్లా అధికారులకు ఇస్తామని కమిషనర్ చెప్పారు.
