గుజరాత్ : గుజరాత్‌లోని అహ్మదాబాద్‌లో జగన్నాథ స్వామిని కేంద్ర హోంమంత్రి అమిత్ షా ఇవాళ ఉదయం దర్శించుకున్నారు. కేంద్ర మంత్రి అయ్యాక షా తొలిసారి గుజరాత్ వచ్చారు. జగన్నాథ రథయాత్రను పురస్కరించుకుని అమిత్ షా దంపతులు ప్రత్యేక పూజలు చేశారు. స్వామి వారికి హారతి ఇచ్చారు.
కేంద్ర హోంమంత్రిగా బాధ్యతలు స్వీకరించిన తర్వాత అమిత్ షా గుజరాత్ కు రావడం ఇదే తొలిసారి. ఆయన తోపాటు గుజరాత్ ముఖ్యమంత్రి విజయ్ రూపానీ, డిప్యూటీ సీఎం నితిన్ భాయ్ పటేల్ కూడా జగన్నాథ ఆలయంలో ప్రత్యేక పూజలు చేశారు. జగన్నాథ రథయాత్ర నేపథ్యంలో ఆలయం భక్తులతో కిటకిటలాడుతుంది.
