ప్రకాశం : జిల్లాలో పిడుగుపాటుకు ఓ బాలుడు మృతి చెందాడు. మరో ఇద్దరు గాయపడ్డారు. జిల్లాలో పలుచోట్ల ఈదురుగాలులతో కూడిన వర్షం కురిసింది. జిల్లాలోని పశ్చిమ ప్రాంతంలో ఉరుములు, మెరుపులతో కూడిన వర్షం పడింది. గిద్దలూరు మండలం ఓబులాపురం తాండాలో పిడుగుపడి సుశాంక నాయక్ అనే నాలుగు సంవత్సరాల బాలుడు మృతిచెందాడు. సుశాంక తల్లి, అన్నలు గాయపడ్డారు. గాయపడిన వీరిని దగ్గరలోని ప్రభుత్వ వైద్యశాలకు తరలించి చికిత్స జరుపుతున్నారు.
