టంగుటూరు : తెలుగు యువత జిల్లా నాయకులు దామచర్ల సత్య జన్మదిన వేడుకలు మండలంలో ఘనంగా జరిగాయి. వల్లూరమ్మ దేవాలయంలో మంగళవారం ఉదయం పూజా కార్యక్రమాలు నిర్వహించి అనంతరం టిడిపి నాయకులు, కార్యకర్తలు, అభిమానుల సమక్షంలో పుట్టినరోజు కేకును దామచర్ల సత్య కట్ చేశారు. రాష్ట్ర తెలుగు యువత కార్యనిర్వహణ కార్యదర్శి రామా గోపి, టంగుటూరు ఎంపీపీ చదలవాడ చంద్రశేఖర్ ఆధ్వర్యంలో జరిగిన కార్యక్రమంలో వైస్ ఎంపీపీ శైలజ, టిడిపి టంగుటూరు మండల కార్యదర్శి కామని విజయకుమార్, సీనియర్ నాయకులు వెంకటేశ్వర్లు, టంగుటూరు మండలం తెలుగు యువత అధ్యక్షులు కాట్రగడ్డ అనిల్ కుమార్, సురారెడ్డిపాలెం సర్పంచ్ కోటేశ్వరరావు, కారుమంచి, వల్లూరు, టిడిపి నాయకులు సురేష్ బాబు, రవీంద్ర పాల్గొన్నారు.
