చీరాల : వైసిపి అధినేత జగన్ మోహన్ రెడ్డి తన తండ్రి వైఎసార్ అమలు చేసిన సంక్షేమ పథకాలను మరిపించేవిధంగా తాను అధికారానికి వస్తే నవరత్న పథకాలు అమలు చేస్తామని ప్రకటించారు. వైసిపి అమలు చేసే పథకాలను ప్రజల్లోకి తీసుకెళ్ళేందుకు గడప గడపకు వైసిపి, రావాలి జగన్, కావాలి జగన్ వంటి కార్యక్రమాలను ప్రకటించి పార్టీ ఇంచార్జిలను ఇంటింటికి తిప్పుతున్నారు.
నియోజకవర్గ స్థాయిలోను నాయకులు గడప గడపకు తిరుగుతున్నారు. చీరాల నియోజకవర్గ ఇన్ఛార్గ్ యడం బాలాజీ ఆధ్వర్యంలో కావురివారిపాలెం కు చెందిన యువకులు గత ముడునెలలుగా జట్టుగా గ్రామాల్లో ఇంటింటికి తిరిగి వైసిపి పథకాలు ప్రచారం చేస్తున్నారు. జగన్ వెంట సైతం ఒరుగంటి రెడ్డి సమస్యలపై కావురివారిపాలెంకు చెందిన ఎంజి రెడ్డి పాదయాత్రలో పాలుపంచుకున్నారు.
