హైద‌రాబాద్ (ఇంట‌ర్‌నెట్‌) : ఊరిచివ‌ర ఇద్ద‌రు ఆడ‌వాళ్లు కొట్లాడుకుంటే ఊరిలో పెద్ద‌మనుషుల జాత‌కాలు బ‌య‌ట‌కొస్తాయ‌ని పెద్ద‌లు సామెత చెబుతుంటే ఏమో… అనుకున్నాం. కానీ శ్రీరెడ్డి లాంటి సినీతారలు నోరు తెరిస్తే ఎంత‌టి వారైనా రోడ్డెక్కాల్సిందేన‌ని ఆమె సోషల్ మీడియాలో పెడుతున్న పోస్టులు చూస్తే అర్ధ‌మ‌వుతుంది. సామెతలు ఇలాంటి వాళ్ల జీవితాల‌ను చ‌దివిన‌వాళ్లే పుట్టించి ఉంటార‌ని. శ్రీరెడ్డి పేరు తెలియ‌ని నెటిజ‌న్లు ఉంటార‌ని అనుకోలేం. ఆ మ‌ద్య తెలుగు సినీ ప‌రిశ్ర‌మ‌ను ఒక కుదుపు కుదిపిని శ్రీరెడ్డి తాజాగా క్రికెట్ దిగ్గ‌జంపై పోస్టు పెట్టి సంచ‌ల‌నం చేశారు. సినీన‌టి శ్రీరెడ్డి.. పేరు చెబితే చాలు ఇప్పుడు కొంద‌రు సెలబ్రిటీలు వణికిపోతున్నారు. ‘శ్రీలీక్స్’ పేరుతో ఆమె సోషల్ మీడియాలో చేస్తున్న ర‌చ్చ అందరికీ తెలిసిందే.
తాజాగా ఆమె చేసిన ఓ పోస్ట్ సోషల్ మీడియాలో సెన్సేషన్‌గా మారింది. టాలీవుడ్, కోలీవుడ్‌ నటీనటులపై ఆరోపణలు చేస్తూ వార్తల్లో ఉంటున్న శ్రీరెడ్డి.. తాజాగా ట్వీట్‌తో ఇప్పుడు పెద్ద కలకలం రేపింది. క్రికెట్‌లో.. దేవుడిగా కొలిచే ఓ క్రికెటర్‌కి, ఓ టాలీవుడ్ నటికి లింకు పెట్టింది. వీరిద్దరి మధ్య మీడియేటర్‌గా క్రికెట్‌కు చెందిన వ్య‌క్తే ఉన్నారంటూ పోస్ట్ చేసింది. ‘‘గొప్పవ్యక్తులు చాలా బాగా ఆడతారు. అంటే దీన‌ర్ధం నా ఉద్ధేశ్యంలో బాగా రొమాన్స్ చేస్తారని..’’ అంటూ ఆమె ఈ పోస్ట్‌లో సంచ‌ల‌న ఆరోపణలు గుప్పించింది.
