బాప‌ట్ల : ఆసోదివారిపాలెం గ్రామంలో రామ‌మందిరాన్ని పున‌ర్మింస్తున్నారు. నిర్మాణానికి శనివారం శంకుస్థాప‌న కార్య‌క్ర‌మం వేద‌పండితుల‌తో చేప‌ట్టారు. కార్య‌క్ర‌మంలో గ్రామ ప్రజల ఆహ్వానం మేరకు ఎంఎల్‌సి, టిడిపి నియోజ‌క‌వ‌ర్గ ఇన్‌ఛార్జి అన్నం స‌తీష్‌ప్ర‌భాక‌ర్ పాల్గొన్నారు. శంకుస్థాప‌న చేసిన అనంత‌రం గ్రామ‌స్థుల‌తో మాట్లాడారు. ఆల‌య నిర్మాణానికి రూ.16ల‌క్ష‌ల నిధులు దేవాదాయ శాఖ‌నుండి ఇప్పించేందుకు త‌న‌వంతు ప్ర‌య‌త్నం చేస్తాన‌ని హామీ ఇచ్చారు.
నియోజ‌క‌వ‌ర్గ టిడిపి నాయ‌కులు, వేగేశన ఫౌండేష‌న్ ఛైర్మ‌న్‌ వేగేశన నరేంద్రవర్మశ్రీ‌సీతారామాల‌యం శంకుస్థాప‌న కార్య‌క్ర‌మంలో పాల్గొన్నారు. గ్రామ‌స్థుల‌తో చ‌ర్చించారు. ఆల‌య నిర్మాణానికి గ్రామ‌స్థుల అభ్య‌ర్ధ‌న మేరకు త‌న ట్ర‌స్టు నుండి నిధులు స‌మ‌కూర్చేందుకు అంగీక‌రించారు.
