చీరాల : ఫిజియోథెరపీతో అవయవాల పనితీరు త్వరగా మెరుగు పడుతుందని ప్రముఖ వైద్యులు, లాప్రోస్కోపీ సర్జన్ డాక్టర్ బాలాజీ అన్నారు. పట్టణంలోని హారిస్‌పేటలో డాక్టర్ జాన్ ఆగస్టిన్ నూతనంగా ఏర్పాటు చేసిన గ్లోబల్ ఫిజియోథెరపీ క్లినిక్ డాక్టర్ బాలాజీ, శ్రీ కామాక్షి హాస్పిటల్ ఎండి డాక్టర్ తాడివలస దేవరాజు ప్రారంభించారు. ఫిజియోథెరపీ వైద్యులు డాక్టర్ జాన్ ఆగష్టిన్ మాట్లాడుతూ ఆదునిక ఫిజియోథెరపీ పరికరాలతో పేదలందరికీ వైద్య సేవలు అందిస్తామన్నారు. ప్రజలు సద్వినియోగం చేసుకోవాలని కోరారు. కార్యక్రమంలో డాక్టర్ విక్టర్‌పాల్, జాన్‌శామ్యుల్, బుజ్జి పాస్టర్, విలియమ్స్, డేటా జోషప్ పాల్గొన్నారు.
