కారంచేడు : స్వర్ణ గ్రామపంచాయతీ పారిశుద్ధ్య సిబ్బంది, గ్రీన్ అంబాసిడర్ కి ఫేస్ షీల్డ్స్, సర్జికల్ మాస్కులు, డ్రై ఫ్రూట్స్ ను స్థానిక ప్రాథమిక ఆరోగ్య కేంద్రం లాబ్ టెక్నీషియన్ బయ్య శంకర్ చేతుల మీదుగా పంపిణి చేశారు. కోవిడ్ నియంత్రణలో పారిశుద్ధ్య సిబ్బంది గ్రామంలోని అన్ని వీధుల్లో బ్లీచింగ్ పౌడర్ చల్లడం, సోడియం హైపోక్లోరైట్ పిచికారి చేయడం వంటి పనులు చేస్తున్నారని, వీరికి రక్షణ కవచాలు ఇవ్వడం ద్వారా కొంతవరకు కోవిడ్ కి గురి కాకుండా ఉంటారని పేర్కొన్నారు.
ఈ సందర్భంగా పంచాయతీ సిబ్బంది సేవల్ని అభినందించారు. అదేవిధంగా వీరికి అవసరమైన గ్లౌజ్ లు, బూట్లు, యూనిఫామ్ ఇలాంటివి వీలైనంత తొందరలో ప్రభుత్వం ద్వారా అందించాలని కోరారు. సిబ్బంది సేవలను వినియోగించుకోవాలని, వీరికి అండగా ప్రతి ఒక్కరూ ఉండాలని కోరారు. గ్రామంలోని పెద్దలు, యువత ముందుకు వచ్చి మరిన్ని సేవా కార్యక్రమాలు చేయాలని అన్నారు. ఇప్పటికే స్వర్ణ సేవాసమితి, శ్రీకృష్ణ యాదవ్ యూత్ సేవలందిస్తున్నారని చెప్పారు. సేవలందించిన వారికి ప్రత్యేక కృతజ్ఞతలు తెలిపారు. కార్యక్రమంలో పంచాయతీ సిబ్బంది నాగేశ్వరరావు, శ్రీనివాసు, నాగరాజు, వసంతరావు, పరుశురాం, సామేలు తదితరులు పాల్గొన్నారు.
