చీరాల : ఆదినారాయ‌ణ‌పురంలోని ఎఆర్ ఉన్నత పాఠశాల ప్రధానోపాధ్యాయులు భవనం బద్రిరెడ్డి అద్యక్షతన జరిగిన కార్యక్రమములో భాగంగా 6 నుండి 8 తరగతుల చదువుచున్న బాలబాలికలకు సర్వశిక్ష అభియాన్ నిధుల నుండి ఉచితంగా సరఫరా చేయబడిన సమరూప దుస్తులను ఒక్కకరికి రెండు జతల చొప్పున అందజేశారు. ఈసంద‌ర్భంగా జరిగిన స‌భ‌లో బద్రిరెడ్డి మాట్లాడారు. ప్రభుత్వ పాఠశాలల్లో అనుభఙ్ఞలైన ఉపాధ్యాయులచే మంచి విద్యతో పాటు ప్రతిరోజు ఉదయం, సాయంత్రం స్టడీ అవర్స్ నిర్వహిస్తున్నామని తెలిపారు. కంప్యూటర్ విద్య, డిజిటల్ విద్యకు అధిక ప్రాధాన్యతను తెచ్చాయ‌న్నారు. రెండు ప్రోజెక్టర్లతో తరగతుల నిర్వహిస్తున్నట్లు ఆయన తెలియ జేశారు. ఉపాధ్యాయులు వెంకటరావు, పుష్పరాజు, శ్రీనివాసరెడ్డి, రామాంజనిదేవి, శ్రీనివాసరావు, సబీహ బేగం, మాధవి, హజరత్, విద్యార్ధినీ విద్యార్ధులు పాల్గొన్నారు.
