వ‌రంగ‌ల్ రూర‌ల్‌ : ఒకే రోజు రెండు వేరు వేరు ప్రాంతాల్లో పాఠ‌శాల బ‌స్సులు ప్ర‌మాదానికి గుర‌య్యాయి. తెలంగాణ రాష్ట్రం వ‌ర్ధ‌న్న‌పేట పోలీసు స్టేష‌న్ స‌మీపంలో మద్యం మ‌త్తులో ఉన్న లారీ డ్రైవ‌ర్ ఎదురుగా వెళుతున్న స్కూలు బ‌స్సును ఢీ కొట్ట‌డంతో బ‌స్సు ప్ర‌మాదానికి గురైంది. బ‌స్సులో ఉన్న చిన్నారులు గాయ‌ప‌డ్డారు. వీరిలో ఇద్ద‌రు చిన్నారుల ప‌రిస్థితి విష‌మంగా ఉండ‌టంతో ఆసుపత్రికి తరలించారు.
పొదిలి : ఆంద్ర‌లోని ప్రకాశం జిల్లా పొదిలి మండ‌లం కాటూరివారిపాలెం వద్ద గీతాంజ‌లి స్కూల్ వ్యాన్ అదుపుత‌ప్పి బోల్తా ప‌డింది. ప్ర‌మాదంలో న‌లుగురు విద్యార్ధులు గాయ‌ప‌డ‌టంతో ఆసుపత్రికి తరలించారు. ప్ర‌మాదానికి కార‌ణాలు తెలియాల్సి ఉంది. ఘ‌ట‌నా స్థ‌లానికి పొదిలి పోలీసులు చేరుకున్నారు. పాఠ‌శాల విద్యార్ధుల‌ను వైద్య‌శాల‌కు తరలించారు. కేసు న‌మోదు చేసి విచారిస్తున్నారు.
