చీరాల : డిఎస్‌పిగా ఇటీవ‌లే బాధ్య‌త‌లు తీసుకున్న వ‌ల్లూరు వెంక‌టేశ్వ‌ర్లు చీరాల స‌బ్ డివిజ‌న్‌లోని పోలీసు అధికారుల‌తో చీరాల ఒక‌టో ప‌ట్ట‌ణ పోలీసు స్టేష‌న్‌లో స‌మీక్షా స‌మావేశం నిర్వ‌హించారు. స‌బ్‌డివిజ‌న్ ప‌రిధిలో వివిధ ఘ‌ట‌న‌లు, నేరాల తీరు, రాజకీయ, సామాజిక ప‌రిస్థితుల‌ను అడిగి తెలుసుకున్నారు. నేరాల అదుపు, చోరీ కేసుల‌తోపాటు ఇత‌ర కేసుల్లో ముద్దాయిల అరెస్టు వంటి అంశాల‌పై చ‌ర్చించారు. పెండింగులో ఉన్న కేసుల విచార‌ణ వెంట‌నే పూర్తి చేయాల‌ని ఆదేశించారు. స‌మావేశంలో చీరాల1, 2, రూర‌ల్ సిఐలు వి సూర్య‌నారాయ‌ణ, రామారావు, భ‌క్త‌వత్స‌ల‌రెడ్డి, ఇంకొల్లు సిఐ వ‌ర‌ప్ర‌సాద్‌, ఎస్ఐలు పాల్గొన్నారు.
