కనిగిరి : కనిగిరి నుండి గార్లపేటవైపు వెళుతున్న పాల వాహనం (టాటా ఎసి) ఆదివారం అడుపుతప్పింది. రాధస్వామి సత్చంగ్ బ్యాస్ వద్ద రోడ్డు పక్కనున్న విద్యుత్ స్తంభాన్ని ఢీ కొట్టింది. ప్రమాదంలో విద్యుత్ పోల్ విరిగిపోయింది. ఆ సమయంలో రోడ్డుపై ఎవ్వరు లేకపోవడంతో పెద్ద ప్రమాదం తప్పిందని ఊపిరి పీల్చుకున్నారు. అయితే ప్రమాదంలో డ్రైవర్ అపస్మారక స్థితిలో సీట్లోనే ఉండటాన్ని గమనించిన స్థానికులు వెంటనే స్పందించి ప్రభుత్వ వైద్యశాలకు తరలించారు. విషయం తెలుసుకున్న పోలీసులు ఘటనా స్థలాన్ని పరిశీలించారు. ప్రమాదం తీరును తెలుసుకుని కేసు నమోదు చేసుకుని దర్యాప్తు చేస్తున్నారు.
