హైదరాబాద్ : సూపర్‌స్టార్‌ మహేశ్‌బాబు ఆయన సతీమణి నమ్రత ఫోటో ఇప్పుడు సోష‌ల్ మీడియాలో హాట్ టాపిక్ అయ్యింది. మ‌హేష్‌బాబు తరచూ తన కుటుంబంతో కలిసి ఫొటోలు దిగి సోషల్‌మీడియాలో పోస్ట్ చేస్తుంటారు. ఆయన సతీమణి నమ్రత కూడా మహేశ్‌కు సంబంధించిన విషయాలను అభిమానులతో పంచుకుంటూ ఉంటారు. కానీ మహేశ్ తాజాగా పోస్ట్ చేసిన ఫొటో చూస్తే మాత్రం ఎవ్వ‌రైనా నోరెళ్లబెట్టాల్సిందే. ఎందుకంటే మహేష్ ఇలాంటి ఫొటో ఎప్పుడూ పోస్ట్ చేయ‌లేదు.
ఆ ఫొటోలో మహేష్ తన భార్య న‌మ్ర‌త‌ను ముద్దాడుతూ కన్పించారు. ఈ ఫోటోను ఇన్‌స్టాగ్రామ్‌లో పోస్ట్ చేసి ‘థాంక్యూ మై లవ్‌’ అని క్యాప్షన్ కూడా ఇచ్చారు. బహుశా మహేష్ నటించిన ‘భరత్‌ అనే నేను’ చిత్రం బ్లాక్‌బస్టర్‌ విజయం సాధించిన నేపథ్యంలో క్రెడిట్‌ అంతా తన భార్యకు అంకితం చేస్తూ ఈ ఫొటో పోస్ట్ చేశారేమో! అనిపించింది. ఇప్పటికే ఈ ఫొటోకు లక్షకు పైగా లైకులు వచ్చాయి. ఈ ఫొటో చూసి ‘నమ్రత ప్రపంచంలోనే అదృష్టవంతురాలు’ అంటూ నెటిజన్లు కామెంట్లు చేస్తున్నారు.
‘భరత్‌ అనే నేను’ ప్రీ రిలీజ్‌ వేడుక అనంతరం నమ్రత తన నివాసంలో మహేష్ కోసం ఘనంగా పార్టీ నిర్వహించారు. ఈ వేడుకకు ఎన్టీఆర్‌, రామ్‌చరణ్‌, ఉపాసన హాజరయ్యారు. ప్రేక్షకులు ఎప్పుడెప్పుడా అని ఎదురుచూసిన ‘భరత్‌ అనే నేను’ చిత్రం ఎట్టకేలకు శుక్రవారం విడుదలైంది. బాక్సాఫీస్‌ వద్ద పరుగులు పెడుతోంది. ‘మీరంతా గర్వపడేలా చేస్తాను’ అంటూ మహేష్ సినిమా విడుదలకు ముందు అన్నారు. ఈ చిత్రం అంత గొప్పగా ఉంటుందని చెప్పారు. సినిమా విడుదల తర్వాత మహేష్ మాటలు నిజమని అభిమానులు అభిప్రాయపడుతున్నారు. సినీ ప్రముఖులు, విశ్లేషకులు కూడా మహేష్ కెరీర్‌లో ఈ సినిమా ఓ మైలురాయిగా నిలిచిందని ప్రశంసిస్తున్నారు.
ఇక మహేష్ – వంశీ పైడిపల్లి దర్శకత్వంలో నటించనున్నారు. ఇందులో మహేష్‌కి జోడీగా పూజాహెగ్డే నటించనున్నారు. ఈ సినిమా చిత్రీకరణ నిమిత్తం ఇటీవల మహేష్ అమెరికా వెళ్లి వచ్చినట్లు తెలుస్తోంది. ‘భరత్‌ అనే నేను’ లాగే ఈ సినిమా కూడా బాగుంటుందని మహేష్ తన ఇంటర్వ్యూలో ప్ర‌క‌టించారు.
