చీరాల : గడియారస్తంభం సెంటర్లో కూల్చిన షాపింగ్ కాంప్లెక్స్ స్థానంలో నూతన షాపింగ్ కాంప్లెక్స్ నిర్మాణానికి ఎమ్మెల్యే ఆమంచి కృష్ణమోహన్ శనివారం శంకుస్థాపన చేశారు. ఈ సందర్భంగా ఆయన మాట్లాడుతూ శిథిలావస్థకు చేరిన భవనాన్ని తొలసించి నూతన భావన నిర్మాణం తోపాటు కూడలి విశాలంగా, ట్రాఫిక్ సమస్యలు లేకుండా అభివృద్ధి చేయనున్నట్లు చెప్పారు.
రూ.1.80కోట్ల నిధులతో నూతన భవనం నిర్మిస్తున్నట్లు చెప్పారు. నాణ్యతా ప్రమాణాలతో త్వరితగతిన పూర్తి చేయాలని చెప్పారు. కార్యక్రమంలో మునిసిపల్ ఛైర్మన్ మొదడుగు రమేష్ బాబు, ఎఎంసి చైర్మన్ జంజనం శ్రీనివాసరావు, కౌన్సిలర్ గుడ్డన్టీ సత్యనారాయణ, కమిషనర్ షేక్ ఫజులుల్లా, కోట సాంబయ్య పాల్గొన్నారు.
