ఒంగోలు : జిల్లా ఉపాధ్యాయ దినోత్సవం సెప్టెంబర్ 5న ఒంగోలు డి మార్ట్ పక్కనున్న ఎంఎస్ ఫంక్షన్ హాల్లో నిర్వహించనున్నారు. అందుకు తగిన ఏర్పాట్లను జిల్లా విద్యాశాఖ అధికారులు చేశారు. జెడ్పి ఉన్నత పాఠశాల, ఎస్ఏ, ఎల్ఎఫ్ఎల్ ప్రధానోపాధ్యాయులు, పిడి, పిఈటీ, ఎల్పీఎస్, ఎస్జిటి కెటగిరీల్లో ఉపాధ్యాయులను ఎంపిక చేశారు. సృజనాత్మక బోధన, చదువుతోపాటు సామాజిక అంశాలపై అవగాహన, పర్యావరణం, ఆరోగ్యం, పారిశుద్ధ్యం వంటి వాటిపై అవగాహన కలిగిస్తూ విద్యార్థులను అభివృద్ధి చేస్తున్న వారిని అవార్డులకు ఎంపిక చేశారు. ఉపాధ్యాయుల జాబితాను విద్యాశాఖ అధికారులు ప్రకటించారు.
