టంగుటూరు : కారోనా లాక్ డౌన్ తో ఉపాధి కోల్పోయి ఇబ్బంది పడుతున్న మండలంలోని వాసేపల్లిపాడు గ్రామస్థులకు అదేగ్రామానికి చెందిన వైస్సార్ సీపీ జిల్లా ప్రధాన కార్యదర్శి, మాజీ సర్పంచ్ లింగంగుంట రవిబాబు రూ.90వేల విలువ చేసే నిత్యవసర సరుకులు, కోడిగుడ్లను 400కుటుంబాలకు పంపిణీ చేశారు.
ఈ సందర్భంగా రవిబాబు మాట్లాడుతూ సర్పంచ్ గా గ్రామంలో ఎన్నో అభివృద్ధి కార్యక్రమాలు చేయడం జరిగిందన్నారు. సర్పంచ్ గా తనను ఎన్నుకున్న గ్రామస్థులు ఇబ్బందులలో ఉన్నప్పుడు వారికి అన్ని విధాలుగా అండగా ఉంటానని అన్నారు. గ్రామస్థులకు పార్టీలకతీతంగా నిత్యవసర సరుకులు, కోడిగుడ్లు అందజేసినట్లు తెలిపారు. లాక్ డౌన్ తో ప్రభుత్వం యొక్క ఆర్ధిక ఇబ్బందుల దృష్ట్యా ముఖ్యమంత్రి సహాయ నిధికి లక్ష రూపాయలు ఇచ్చారు. అలాగే ఇబ్బందులలో ఉన్న స్థానిక జర్నలిస్టులకు రూ.30వేల విలువ చేసే బియ్యాన్ని ఒక్కొక్కరికి 25కేజీల చొప్పున అందజేశారు.
