హైదరాబాద్ : టీడీపీ అధినేత, చంద్రబాబు నాయుడు మెడికల్ చెకప్ కోసం అమరావతి నుంచి హైదరాబాద్ వచ్చారు. శుక్రవారం ఉదయం గచ్చిబౌలిలోని ఏషియన్ గాస్ట్రోలజి హాస్పిటల్‌కి ఉదయం పరగడపునే వెళ్లారు. సుమారు గంటకు పైగా మెడికల్ చెకప్ చేయించుకున్న అనంతరం ఆయన జూబ్లీహిల్స్‌లోని తన నివాసానికి చేరుకున్నారు. బాబు హైదరాబాద్ వచ్చారని తెలుసుకున్న టీడీపీ నేతలు ఆయన ఇంటికి చేరుకుంటున్నారు.
సీనియర్ నాయకులు జేసీ దివాకర్ రెడ్డి, ఎల్ రమణ, రావుల చంద్రశేఖర్ రెడ్డి సమావేశమయ్యారు. ఈ సందర్భంగా ఒకరినొకరు యోగ క్షేమాలు అడిగి తెలుసుకున్నారు. తెలుగు రాష్ట్రాల రాజకీయ పరిణామాలపై చంద్రబాబుతో చర్చిస్తున్నట్లు తెలుస్తోంది.
