యంగ్ రెబల్ స్టార్ ప్రభాస్, అందాల తార అనుష్క జంట చూసేందుకు చూడముచ్చటగా ఉంటుంది. వీరి నటన కూడా అంతే ఆకట్టుకుంటుంది. కానీ నిజ జీవితంలో వీరి అభిప్రాయాలు, హావభావాలు వేరు. ప్రభాస్ అచ్చ తెలుగు అబ్బాయి. అనుష్క ఆరు అణాల కన్నడ అమ్మాయి. వీరిద్దరికి ఇంకా పెళ్లి కాదు. ఈ జోడీ ‘బిల్లా, మిర్చి, బాహుబలి’వంటి చిత్రాల్లో నటించింది. సినిమాలు కూడా విజయం సాధించాయి. దీంతో ఈ జంటపై రూమర్స్ వెల్లువెత్తాయి. ప్రభాస్, అనుష్క ప్రేమించుకుంటున్నారని, పెళ్లి చేసుకోబోతున్నారని సోషల్ మీడియా అయితే నిత్యం కోడై కూసింది. అయితే వాళ్లకు ఆ ఆలోచనేలేదు. సినిమాల్లో కలిసి నటించినంత మాత్రాన ప్రభాస్, అనుష్కకు పెళ్లి ఏంటని వాళ్ల బంధువులతో పాటు సినీ ఇండస్ట్రీ కూడా ఆశ్చర్యపోయింది. ఈ జోడీ లుక్ అలా ఉంటుంది కాబట్టి ఇలాంటి ప్రచారాలు సహజమేనని కొట్టిపారేశింది.
అయితే ప్రభాస్, అనుష్క ఈ వార్తలను ఖండించారు. తమకు ఆ ఆలోచనే లేదని స్పష్టంచేశారు. తామిద్దరం మంచి స్నేహితులమని కూడా తెలిపారు. కానీ ప్రభాస్, అనుష్కకు ఇప్పటికీ ఎదురయ్యే ప్రశ్న మాత్రం ఇదే. ఇప్పటికే చాలాసార్లు వీరద్ధరూ వినయంగా సమాధానాలు చెప్పుకుంటూ వచ్చారు. తాజాగా అనుష్కకు ఈ ప్రశ్నే పునరావృతం అయింది. రీసెంట్‌గా ట్విట్టర్‌ ఖాతా ఓపెన్ చేసిన ఈ కన్నడ స్వీటీకి ఓ అభిమాని అడిగిన ప్రశ్న కూడా ఇదే కావడం విశేషం. అంతేకాదు ‘మిర్చి’ సినిమాలోని పెళ్లి పీటలపై ఉన్న ప్రభాస్, అనుష్క ఫోటోను చూపించి స్పందించాలని కోరాడు. దీంతో అమ్మడు కాస్త డిఫరెంట్‌గా జవాబు ఇస్తుందని అందరూ ఊహించారు. కానీ చాలా అలా జరగలేదు. సవినయంగా క్లారిటీ ఇచ్చారు. ‘‘ఈ ఫొటో చాలా అపురూపమైంది. ‘మిర్చి’సినిమా షూటింగ్‌లో తీశారు. మిర్చి మూవీ నా మనసుకు నచ్చిన సినిమా. యూవీ క్రియేషన్ తొలి చిత్రం బిగ్ హిట్ అయింది. నిర్మాతలు ప్రమోద్, వంశీ, విక్కి మంచి హృదయం కలిగిన వాళ్లు.’’అంటూ సమాధానం ఇచ్చింది. దీంతో అభిమాని ఫుల్ ఖుషీ అయిపోయాడు.
మరోవైపు అనుష్క నటించిన ‘నిశ్చబ్దం’చిత్రం ఓటీటీలో విడుదలైంది. ఈ చిత్రానికి మంచి స్పందన లభించింది. సినిమాలో అనుష్క మూగ యువతిగా నటించారు. దీంతో ఆమె నటకు మంచి మార్కులు పడ్డాయి. కలెక్షన్ల పరంగా కూడా ఈ చిత్రం మంచి టాక్ తెచ్చుకుంది. ప్రస్తుతం హీరో ప్రభాస్ ‘రాధాశ్యామ్’చిత్రంలో నటించనున్నారు. ఈ చిత్రంలో పూజా హెగ్గే హీరోయిన్‌గా నటించనున్నారు. ఆ తర్వాత నాగ్ అశ్విన్ తెరకెక్కించనున్న ‘ఆదిపురుష్’చిత్రంలో ప్రభాస్ నటించనున్నారు. ఇప్పటికే ఈ చిత్రానికి సంబంధించిన టైటిల్ పిక్‌ను విడుదల చేశారు. ఈ పిక్ ఆకట్టుకోవడంతో సోషల్ మీడియాలో ట్రెండ్ అవుతోంది. నాగ్ అశ్విన్ తెరకెక్కించిన ‘మహానటి’చిత్రం తెలుగు, తమిళంలో మంచి విజయం సాధించింది. మరి ప్రభాస్ మూవీ ఏ రేంజ్ హిట్ కొడుతుందో చూడాలి.
