చీరాల : ఎన్నికల ప్రచారంలో దేవాంగపురి స్మశాన వాటిక అభివృద్ధికి కృషి చేస్తానని ఎంఎల్‌ఎ కొండయ్య ఇచ్చిన హామీని గెలిచాక వెంటనే నెరవేర్చటం పట్ల గ్రామ ప్రజలు హర్షం వ్యక్తం చేస్తున్నారని టిడిపి నాయకులు, మాజీ ఎంపిటిసి శిద్ధి బుచ్చేశ్వరరావు అన్నారు. మండలంలోని దేవాంగపరి స్మశాన వాటికలో ఎంఎల్‌ఎ కొండయ్య ఆదేశాలతో అధికారులు అభివృద్ధి పనులకు శ్రీకారం చుట్టారని తెలిపారు. గతంలో స్మశాన వాటిక అంతా అడవిలా తయారైందని, ఎన్నిసార్లు పాలకులు, అధికారులు దృష్టికి తీసుకువెళ్లిన పట్టించుకున్న దాఖలాలు లేవని అన్నారు. నూతనంగా ఎన్నికైన ఎంఎల్‌ఎ కొండయ్య ప్రజల సమస్యలు గుర్తించి వెంటనే జెసిబితో అభివృద్ధి పనులు చేపట్టడం పట్ల స్థానికులు హర్షం వ్యక్తం చేస్తున్నారని అన్నారు. దేవాంగపురి పంచాయితీలో రూ.50లక్షల నిధులతో రోడ్ల నిర్మాణం చేయడుతున్నారని అన్నారు. ప్రజలకు ఇచ్చిన మాట గెలిచాక అమలు చేయటం పట్ల ప్రజలందరూ కృతజ్ఞతలు తెలుపుతున్నారని అన్నారు.
