అర్జీల స్వీకరణ

• బాపట్ల:
• , ప్రజా సమస్యల పరిష్కార వేదిక కార్యక్రమంలో ప్రజల నుండి వచ్చిన అర్జీలను శ్రద్ధతో పరిష్కరించాలని జాయింట్ కలెక్టర్ భావన అధికారులను ఆదేశించారు. సోమవారం స్థానిక కలెక్టరేట్ లో ప్రజా సమస్యల పరిష్కార వేదిక కార్యక్రమాన్ని జాయింట్ కలెక్టర్ భావన నిర్వహించారు. ఈ సందర్భంగా జాయింట్ కలెక్టర్ మాట్లాడుతూ జిల్లాలో

ప్రజా సమస్యలు పరిష్కారమవుతాయనే నమ్మకంతో కలెక్టరేట్ వస్తారని అన్నారు. ప్రజా సమస్యల పరిష్కారానికి అధికారులు ప్రత్యేక చొరవ తీసుకోవాలని అన్నారు. జిల్లాలో తుఫాను ప్రభావం వల్ల జరిగిన పంట నష్ట వివరాలను వెంటనే అందజేయాలని అధికారులకు సూచించారు. తుఫాను ప్రభావంవల్ల నష్టపోయిన బాధితుల కు నగదు, బియ్యo పంపిణీపూర్తి చేయాల నిఆమె అధికారులకు చెప్పారు. తుఫాను ప్రభావం వల్ల దెబ్బతిన్న కౌలు రైతులను ఆదుకోవాల ని రైతు సంఘాల ప్రతి నిధులు జాయింట్ కలెక్టర్ ని కలిసి విజ్ఞాపన పత్రాన్ని అందజేశారు. కొల్లూరు మండలం అనంత గ్రామానికి చెందిన రైతులు విత్తనాల కంపెనీ వారి మాటలు నమ్మి నకిలీ విత్తనాలు వేశామని వరి పంట దిగుబడిని కోల్పోయా మని న్యాయం చేయా లని జాయింట్ కలెక్టర్ కు ఆర్జి ఇచ్చారు. ఈ విషయంపై జాయింట్ కలెక్టర్ స్పందిస్తూ రేపల్లె రెవెన్యూ డివిజనల్ అధికారిని విచారణ చేపట్టి చర్యలు తీసుకో వాల్సిందిగా ఆదేశించారు. ఈనెల 1వ తేదీన భారీ వర్షాలను సైతం లెక్కచేయకుండా95 శాతం పెన్షన్లు పంపిణీ చేసిన బాపట్ల మున్సిపాలిటీ ద్రవిడ కాలనీ సచివాలయ సిబ్బంది చిమట వెన్నెలను జాయింట్ కలెక్టర్ జ్ఞాపిక ఇచ్చి శాలువాతో సన్మా నించారు. ఈ కార్యక్రమంలో జిల్లా రెవెన్యూ అధికారి జి. గంగాధర్ గౌడ్, జిల్లా పంచాయతీ అధికారి ప్రభాకర్, డ్వామా ప్రాజెక్ట్ డైరెక్టర్ విజయలక్ష్మి, డిఆర్డిఏ ప్రాజెక్ట్ డైరెక్టర్ లవన్న, ఐ.సి.డి.ఎస్ ప్రాజెక్ట్ డైరెక్టర్ రాధామాధవి, జిల్లా రవాణాశాఖ అధికారి పరంధామ రెడ్డి, గృహ నిర్మాణ శాఖ ప్రాజెక్ట్ డైరెక్టర్ వెంకటేశ్వర్రావు మార్కెటింగ్ శాఖ ఏడి రమేష్ తదితరులు పాల్గొన్నారు.