చీరాల : డాక్టర్ బీఆర్ అంబేద్కర్ స్పూర్తితో దళితులు, అణగారిన వర్గాల ప్రజలు ఐక్యం కావాలని అమ్మ కంటి వైద్యశాల డాక్టర్ వరికూటి అమృతపాణి కోరారు. డాక్టర్ బీఆర్ అంబేద్కర్63వ వర్ధంతి సందర్భంగా ముక్కోణం పార్క్ సెంటర్లో అంబేద్కర్ విగ్రహానికి పూలమాలలు వేసి నివాళులర్పించారు. అనంతరం అంబేద్కర్ భవన్లో సేవక్ సంస్థ ఆధ్వర్యంలో జరిగిన సభలో ఆయన మాట్లాడారు. ఆయన వెంట కొత్తపేట మాజీ సర్పంచ్ చుండూరు వాసు, పొదిలి ఐస్వామి, పేర్లి నాని, యాతం క్రాంతికుమార్, ఆర్జిలి ప్రసాద్ పాల్గొన్నారు.
