చీరాల : దళిత నాయకులు, బాపట్ల పార్లమెంట్ సభ్యులు నందిగం సురేష్, వేమూరు శాసన సభ్యులు మేరుగ నాగార్జున, చీరాల మాజీ శాసన సభ్యులు ఆమంచి కృష్ణ మోహన్ ఆదేశాలు మేరకు చీరాల ముక్కోణం పార్కు వద్ద ఉన్న డాక్టర్ బి.ఆర్ అంబేద్కర్ విగ్రహనికి పాలాభిషేకం చేశారు. అంబేద్కర్ విగ్రహం వద్ద చంద్రబాబు నాయుడు విధానాలను ఎండగడుతూ దళితులపై దాడులకు వ్యతిరేకంగా, ఇళ్ళ స్థలాలు విషయంలో అడ్డుపడడం, రాజ్యాంగ బద్ధంగా దళితులకు రావాల్సిన పదవులను అడ్డుకోవడంలో చంద్రబాబు చేస్తున్న రాజకీయానికి వ్యతిరేకంగా నిరసన తెలుపుతున్నట్లు ఏఎంసీ చైర్మన్ మార్పు గ్రెగొరీ పేర్కొన్నారు. కార్యక్రమంలో పట్టణ కన్వీనర్ యడం రవిశంకర్, ఎఎంసి డైరెక్టర్ కనపర్తి బజ్జిబాబు, కోటి దాసు, సత్యానందం, చెల్లి బాబురావు, ఇస్సాక్, షేక్ అయూబ్, చుక్క బుజ్జి, పాపిశెట్టి సురేష్ పాల్గొన్నారు.
