Home బాపట్ల సంక్షేమ పధకాలు ప్రజల్లోకి తీసుకువెళ్ళాలి

సంక్షేమ పధకాలు ప్రజల్లోకి తీసుకువెళ్ళాలి

15
0

చీరాల (Chirala) : ప్రజల అభివృద్ధికి టిడిపి కూటమి ప్రభుత్వం అందజేస్తున్న సంక్షేమ పథకాలను ప్రజల్లోకి విస్తృతంగా తీసుకువెళ్లి పార్టీ బలోపేతానికి కృషి చేయాలని ఎమ్మెల్యే కొండయ్య కోరారు. స్థానిక క్యాంపు కార్యాలయంలో గ్రామ అధ్యక్షులు, క్లస్టర్ ఇంచార్జిలతో సోమవారం సమీక్ష సమావేశం నిర్వహించారు. అనుబంధ కమిటీల పనితీరుపై సమీక్ష చేశారు. నియోజకవర్గ స్థాయిలో పార్టీ బలోపేతానికి గ్రామ స్థాయి కమిటీల కార్యకలాపాలు వేగవంతం చేయాలని చెప్పారు. ప్రజల సమస్యలు ప్రత్యక్షంగా తెలుసుకొని పరిష్కారానికి కృషి చేయాలన్నారు. ప్రతి కార్యకర్త ప్రజలకు చేరువై పార్టీ విధానాలు, అభివృద్ధి ఇంటింటికీ తీసుకెళ్లాలని సూచించారు. కార్యక్రమంలో ఎఎంసి చైర్మన్ కౌతరపు జనార్ధన్, టిడిపి నాయకులు గుదంటి చంద్రమౌళి, టిడిపి మండల అధ్యక్షులు గంజి పురుషోత్తం, పట్టణ అధ్యక్షులు దోగుపర్తి వెంకట సురేష్‌ పాల్గొన్నారు.