చీరాల : స్వాతంత్ర్య దినోత్సవం సందర్భంగా ఆగస్టు14న రాత్రి జన జాగరణ చేస్తున్నట్లు సిఐటియు అధ్యక్ష, కార్యదర్శులు దేవతోటి నాగేశ్వరరావు, ఎన్ బాబురావు తెలిపారు. ఈ సందర్భంగా చీరాల పట్టణం జయంతిపేటలో ప్రజానాట్యమండలి సహకారంతో ఆలాపన కార్యక్రమం నిర్వహిస్తున్నట్లు తెలిపారు.
అభ్యుదయ గీతాలు, నాటికలు, సాంస్కృతిక కార్యక్రమాలు నిర్వహిస్తారని తెలిపారు. అందుకు అనుగుణంగా ఐఎల్టీడి కంపెనీ ఫెడరేషన్ కార్యాలయంలో ఈ నెల 11నుండి కళాకారులు శిక్షణ పొందుతున్నట్లు తెలిపారు. కార్యక్రమంలో ప్రజానాట్య మండలి జిల్లా అధ్యక్షులు ఉబ్బా కోటేశ్వరరావు, ఉపాధ్యక్షులు బి పేతురు, సహాయ కార్యదర్శులు సురేష్, పి కిరణ్, ఐఎల్టీడి ఫెడరేషన్ చీరాల బ్రాంచ్ అధ్యక్ష, కార్యదర్శులు చిప్పలపల్లి శివరాజు, గోసాల సుధాకర్, పఠాన్ కాలేష, ఎం సత్యమూర్తి పాల్గొన్నారు.
