జనసేన అధినేత, పవర్ స్టార్ పవన్ కల్యాణ్ నటిస్తున్న చిత్రం ‘వకీల్ సాబ్’. తాజాగా ఈ చిత్రానికి సంబంధించిన ఫస్ట్ లుక్‌ను విడుదల చేశారు. కుర్చీలో కూర్చుని మరో కుర్చిపై కాళ్లు పెట్టి, ఫుల్ హెయిర్, బ్లాక్ కళ్లజోడుతో ఉన్నఈ లుక్లో పవన్ సూపర్బ్‌గా ఉన్నారు. హిందీ మూవీ ‘పింక్‌’కు రీమేక్‌గా ఈ చిత్రం తెరకెక్కుతోంది. ఇటీవల విడుదలైన ఈ చిత్రం ప్రీ లుక్‌కు కూడా ఆకట్టుకుంది. తాజాగా విడుదలై ‘వకీల్ సాబ్’ ఫస్ట్ లుక్ కూడా విశేష స్పందన వస్తోంది. పవన్ అభిమానులైతే పండగ చేసుకుంటున్నారు. ‘అజ్ఞాతవాసి’ తర్వాత పవన్ కల్యాణ్ నటిస్తున్న చిత్రం ఇది. పవన్ కల్యాణ్ రాజకీయాల్లోకి వెళ్లి మళ్లీ ఇప్పుడు రీ ఎంట్రీ ఇస్తుండటంతో సినిమాపై భారీ అంచనాలు నెలకొన్నాయి. ఈ చిత్రాన్ని బాలీవుడ్ నిర్మాత బోనీ కపూర్ సమర్పిస్తుండగా దర్శకుడు శ్రీరామ్ వేణు తెరకెక్కిస్తున్నారు. దిల్ రాజు- శిరీష్ నిర్మిస్తున్నారు. ఎస్.ఎస్.థమన్ సంగీతం అందిస్తున్నారు.
