Home బాపట్ల గుండెపోటుతో విఆర్ఓ మృతి

గుండెపోటుతో విఆర్ఓ మృతి

77
0

చీరాల (Chirala) : మండలంలోని బోయినవారిపాలెంలో భూముల రీ సర్వేకు వెళ్లిన విఆర్‌ఒ పోతురాజు (46) (VRO Pothuraju) గుండెపోటుతో మృతి చెందిన సంఘటన సోమవారం జరిగింది. సిబ్బందితో కలిసి పొలాన్ని రీ సర్వే చేస్తున్నారు. అయితే ఆ సమయంలో కాస్త అలసటగా ఉన్న ఆయన రీ సర్వే పత్రాలు పరిశీలిస్తూ ఒక్కసారిగా కుప్ప కూలి పోయాడు. తోటి సిబ్బందికి అసలు ఏం జరుగుతుందోనని తెలుసుకునే లోపే ఆయన అపస్మారక స్థితిలోకి చేరుకొని మృతి చెందారు. వెంటనే సహ ఉద్యోగులు చికిత్స నిమిత్తం వైద్యశాలకు తరలించగా ఆపాటికే ఆయన మృతి చెందినట్లు వైద్యులు నిర్ధారించారు. గతంలో కూడా ఒకసారి గుండె పోటు వచ్చినట్లు తెలిసింది. విషయం తెలుసుకున్న తహశీల్దారు గోపికృష్ణ సంఘటన స్థలానికి చేరుకొని విఆర్‌ఒ మృతదేహానికి పూల మాల వేసి నివాళులర్పించారు. విఆర్‌ఒ స్వగ్రామమైన పర్చూరుకు ఆయన మృత దాహాన్ని తరలించి ప్రభుత్వ పరంగా అన్ని ఏర్పాట్లు చేశారు. కుటుంబ సభ్యులను పరామర్శించి ప్రగాఢ సానుభూతి తెలిపారు. విఆర్‌ఒ పోతురాజు అంత్యక్రియలు మంగళవారం చేయనున్నట్లు బంధువులు తెలిపారు.