టాలీవుడ్‌ సూపర్‌స్టార్ మహేశ్‌బాబు హీరోగా నటిస్తున్న సినిమా ‘సరిలేరు నీకెవ్వరు’. అనిల్‌ రావిపూడి దర్శకత్వంలో రష్మిక హీరోయిన్‌గా తెరకెక్కుతున్న ఈ సినిమా ద్వారా విజయశాంతి సినిమాల్లోకి రీఎంట్రీ ఇస్తున్నారు. ఈ సినిమాలో ఆమె కీలకపాత్రలో నటిస్తుండగా ఆమె లుక్‌ను లేటెస్ట్‌గా చిత్రయూనిట్ విడుదల చేసింది. ఈ సినిమాలో ఆమె లుక్‌, పాత్ర గురించి అభిమానుల్లో ఆసక్తి నెలకొని ఉండగా.. దీపావళి సందర్భంగా సోషల్‌ మీడియా వేదికగా చిత్రయూనిట్ ఆమె లుక్‌ను విడుదల చేసింది.
‘సరిలేరు నీకెవ్వరు’ సినిమా నుంచి భారతీగా మన లేడీ అమితాబ్‌ విజయశాంతి అంటూ చిత్ర దర్శకుడు అనిల్‌ రావిపూడి ఆమె క్యారెక్టర్ పేరును చెబుతూ ట్వీట్‌ చేశారు.
మహేశ్‌ ఈ సినిమాలో ‘మేజర్‌ అజయ్‌ కృష్ణ’గా కనిపించనున్నారు. దేవిశ్రీ ప్రసాద్‌ స్వరాలు సమకూరుస్తున్నారు. ఈ సినిమాని ఏకే ఎంటర్‌టైన్‌మెంట్‌, శ్రీ వెంకటేశ్వర క్రియేషన్స్‌, జి మహేశ్‌బాబు ఎంటర్‌టైన్‌మెంట్‌ పతాకాలపై రామబ్రహ్మం సుంకర, దిల్‌రాజు, మహేశ్‌బాబులు సంయుక్తంగా నిర్మిస్తున్నారు. సంక్రాంతి కానుకగా జనవరి 12న సినిమా విడుదల కానుంది.
