యంగ్ హీరో విజయ్ దేవరకొండ నటిస్తున్న చిత్రం ‘వరల్డ్ ఫేమస్ లవర్’. ఈ చిత్రం టీజర్‌ను జనవరి 3న (శుక్రవారం) సాయంత్రం 4 గంటల 5 నిమిషాలకు విడుదల చేస్తున్నట్లు చిత్ర యూనిట్ ప్రకటన విడుదల చేశారు. ఇందుకు సంబంధించిన పోస్టర్‌ను కూడా విడుదల చేశారు. ఈ చిత్రంలో హీరోయిన్లుగా రాశీ ఖన్నా, ఐశ్వర్య రాజేశ్, కేథరిన్, ఇజబెల్లే లైట్ నటిస్తున్నారు. ఈ మూవీని లవర్స్ డే సందర్భంగా ఫిబ్రవరి 14న విడుదల చేయనున్నారు. దర్శకుడు క్రాంతి మాధవ్ ఈ చిత్రాన్ని తెరకెక్కిస్తున్నారు. క్రియేటివ్ కమర్షియల్ బ్యానర్‌పై సీనియర్ నిర్మాత కేయస్ రామారావు సమర్పణలో ఏ వల్లభ ఈ సినిమాను నిర్మిస్తున్నారు. గోపీ సుందర్ సంగీతం అందిస్తున్నారు. ఇప్పటికే విడుదలైన ఈ చిత్రానికి సంబంధించిన ఫస్ట్ లుక్ పోస్టర్స్ ఆకట్టుకున్నాయి. దీంతో ఈ సినిమాపై అంచనాలు భారీగా పెరుగుతున్నాయి.
