టంగుటూరు : ఏ ఉపద్రవం వచ్చినా గ్రామం ప్రజలకు ఏ కష్టం రానివ్వకుండా అండగా మేముంటామని మాజీ సర్పంచ్ బెల్లం జయంత్ బాబు, మాజీ ఎంపీపీ చదలవాడ చంద్రశేఖర్, సిద్దా సురేష్ లు గ్రామస్తులకు భరోసా ఇచ్చారు. కరోనా మహమ్మారి కారణంగా గత పది రోజుల నుండి కేంద్ర, రాష్ట్ర ప్రభుత్వాలు విధించిన లాక్ డౌన్ తో ఇంటికే పరిమితమై ఉపాధి కోల్పోయిన పేద, మధ్య తరగతి కుటుంబాలకు అండగా మేమున్నామంటూ “మక్కెన వెంకట కృష్ణారావు చారిటబుల్ ట్రస్టు”, శిద్దా సురేష్ ఆధ్వర్యంలో షుమారు రు.2.50లక్షల విలువ కలిగిన కూరగాయలు ఉచితంగా పంపిణీ చేశారు. పంచాయతీలోని అన్నీ కాలనీలలో ఇంటింటికి వెళ్లి కుటుంబానికి ఐదు కేజీల చొప్పున తాజా కూరగాయలను పంపిణీ చేశారు.
ఈ సందర్భంగా నాయకులు మాట్లాడుతూ లాక్ డౌన్ ఉన్నన్నాళ్లు పేదలకు సంభందించి ఏ ఇబ్బంది ఉన్నా అండగా ఉంటామని దైర్యంగా ఇళ్లలోనే ఉండండని కోరారు. ఇండ్లలోనే గడుపుదాం. కరోనా మహమ్మారిని తరిమికొడదాం అంటూ గ్రామ ప్రజలకు భరోసా ఇచ్చారు. ఈ కార్యక్రమంలో తెలుగుదేశం సీనియర్ నాయకులు బెజవాడ వెంకటేశ్వర్లు, మక్కెన హరిబాబు, దామచర్ల శ్రీధర్, రావి బ్రహ్మం, మక్కెన ప్రసాద్, మక్కెన కోటేశ్వరరావు, చల్లాపల్లి గోపాల్, భారతి, పద్మ, జక్కుల శ్రీను, టీడీపీ శ్రేణులు పాల్గొన్నారు.
