వేటపాలెం (Vetapalem) : స్థానిక సెయింట్‌ ఆన్స్‌ ఇంజినీరింగ్‌ కాలేజీలో ముంబాయి ప్రధాన కేంద్రం కలిగిన అలింబిక్‌ ఫార్మసూటికల్స్‌ లిమిటెడ్‌ ఎంబిఎ, ఫార్మసి విద్యార్ధులకు ప్రాంగణ ఎంపికలు నిర్వహించినట్లు కళాశాల సెక్రటరి వనమా రామకృష్ణారావు, కరస్పాండెంట్‌ శ్రీమంతుల లక్ష్మణరావు తెలిపారు. అలింబిక్‌ ఫార్మసూటికల్స్‌ లిమిటెడ్‌ 1907లో స్ధాపించిన బహుళజాతి కంపెనీ అన్నారు.
కంపెనీ ప్రతినిధులు మొదటగా కంపెని ఆవిర్భావం, ఉత్పత్తి కేంద్రాలు, ఉద్యోగుల వివరాలు, ఎంపిక కాబోయే విద్యార్ధులకు ఉండవలసిన లక్షణాలు, భాధ్యతలు, కంపెని కల్పించే సౌకర్యాలు పవర్‌ పాయింట్‌ ప్రజెంటేషన్‌ ద్వారా వివరించారు. ప్రాంగణ ఎంపికల్లో బి ఫార్మసి నుండి 100మంది, ఎంబిఎ నుండి 50 మంది హాజరైనట్లు ప్రిన్సిపాల్‌ డాక్టర్‌ కె జగదీష్‌ బాబు తెలిపారు. ఎంపికైన విద్యార్ధులకు ఏడాదికి రు.3లక్షల జీతం, ఇతర అలవెన్సులు ఇస్తారని ఎంపికల అధికారి ఎన్‌ పూర్ణచంద్రరావు తెలిపారు.
