వేటపాలెం : ఉపాధ్యాయులు ఎదుర్కొంటున్న సమస్యలు పరిష్కరించాలని కోరుతూ యూటీఫ్ వేటపాలెం శాఖ ఆధ్వర్యంలో పలువురు ఉపాధ్యాయులు మంగళవారం ఎంఈఓ ఏకాంబరేశ్వరరావుకు వినతి పత్రం అందజేశారు. గత రెండు సంవత్సరాలుగా పెండింగులో ఉన్న స్కేవెంజర్ల వేతనాలు విడుదల చేయాలని కోరారు. మధ్యాహ్న భోజన పధకం బిల్లులు ప్రతి నెలా అందేలా చూడాలన్నారు. కొత్తగా ఉద్యోగంలో చేరిన ఉపాధ్యాయుల జీతాలు సక్రమంగా విడుదలయ్యేలా చర్యలు తీసుకోవాలని కోరారు. అదేవిధంగా పని వేళలు సర్దుబాటు చేయాలన్నారు. సరెండర్, మెడికల్ లీవులను సక్రమంగా అమలు చేయాలని డిమాండ్ చేశారు. కార్యక్రమంలో యూటీఎఫ్ వేటపాలెం అధ్యక్షుడు బుర్ల వెంకటేశ్వర్లు, ప్రధాన కార్యదర్శి ఎస్ ఎస్ శివరావు, ఉపాధ్యాయులు సీహెచ్ సతీష్, కర్ణ వెంకట ప్రసాద్, బిఆర్సి కుమార్ బాబు పాల్గొన్నారు.
