చీరాల : ఉపాధ్యాయ దినోత్సవాన్ని పురస్కరించుకుని చీరాల ఎన్ఆర్ & పిఎం బాలుర ఉన్నత పాఠశాలలో ఉన్న ఉపాధ్యాయులను పూర్వ విద్యార్థులు ఘనంగా నిర్వహించారు. పూర్వ విద్యార్థుల సంఘం అధ్యక్షుడు డాక్టర్ పొలవరపు వెంకటేశ్వరప్రసాద్ మాట్లాడుతూ ఉపాధ్యాయ వృత్తిలో ఉన్న ప్రతి ఒక్కరు సర్వేపల్లి రాధాకృష్ణన్ ను ఆదర్శంగా తీసుకొని అంకిత భావంతో పని చేయాలన్నారు. విద్యార్థులను భారతదేశ నిర్మాతలుగా నిర్మించాల్సిన బాధ్యత ఉపాధ్యాయ వృత్తిపై ఉందన్నారు. రిటైర్డ్ హెడ్ మాస్టర్ చీరాల సుబ్రహ్మణ్యం మాట్లాడుతూ ప్రతి విద్యార్థి క్రమశిక్షణతో మెలుగుతూ గురువుల పట్ల వినయ విధేయతలు కలిగి ఉండాలన్నారు. కార్యక్రమంలో సుబ్బరావు, సురేష్, రవి, కృపారావు పాల్గొన్నారు.
