టంగుటూరు (దమ్ము) : మండలంలోని ఎం.నిడుమనూరు వద్ద గల పెట్రోలు బంక్ సమీపంలో మోటర్ సైకిల్ ని మినీ లారీ ఢీకొట్టింది. ప్రమాదంలో ఇద్దరు యువకులు, ఒక మహిళ అక్కడికడే ఒకేకుటుంబంలోని ముగ్గురు మృతిచెందారు. ఘటన స్థలాన్ని ఎస్సై షేక్ ఖాదర్ భాషా పరిశీలించారు.
పోలీసులు తెలిపిన వివరాల ప్రకారం కొత్తపట్నం మండలం ఈతముక్కల గ్రామం నుండి ఎం.నిడమనూరులో వివాహానికి హాజరై తిరిగి వెళ్తుండగా టిప్పర్ లారీ ఢీకొట్టడంతో ఈతముక్కల గ్రామానికి చెందిన బందెల కోటిరత్నం 35), ప్రవీణ్ కుమార్(16), దిలీప్ కుమార్(22) మృతిచెందినట్లుగా గుర్తించినట్లు పోలీసులు తెలిపారు. మృతదేహాలను పోస్టుమార్టం నిమిత్తం ఒంగోలు రిమ్స్ కి తరలించారు. కేసు నమోదు చేసి దర్యాప్తు చేస్తున్నట్లు తెలిపారు. లారీడ్రైవర్ పరారీలో ఉన్నట్లు తెలిసింది.
ప్రమాదం విషయం తెలుసుకున్న వైసిపి ఇన్‌ఛార్జి వరికూటి అశోక్‌బాబు ప్రమాద స్థలానికి చేరకున్నారు. బాధిత కుటుంబాలను ఓదార్చారు. ప్రమాదానికి కారణాలు తెలుసుకున్నారు. అధికారులతో ఆయన మాట్లాడారు.
