సమాజానికి ఉత్తమ పౌరులను అందించేది గురువులే : తాడివలస దేవరాజు

– గురువులు అందించిన ప్రోత్సాహంతోనే ఈ స్థాయి
– గురువుల రుణం తీర్చు కొలేనిది
చీరాల : విద్యార్థులను ఉత్తమ పౌరులుగా తీర్చిదిద్ది సమాజానికి అందించే ఉన్నతమైన వృత్తి ఉపాధ్యాయులదని శ్రీ కామాక్షి కేర్ హాస్పటల్ ఎండీ, చీరాల జిల్లా సాధన సమితి చైర్మన్ తాడివలస దేవరాజు పేర్కొన్నారు. ఉపాధ్యాయ దినోత్సవం సందర్భంగా పేరాల ఏఆర్ఎం ఉన్నత పాఠశాలలో జరిగిన కార్యక్రమంలో దేవరాజు పాల్గొన్నారు.

ఈ సందర్భంగా తాడివలస దేవరాజు మాట్లాడుతూ తాను అదే పాఠశాలలో చదివానని గుర్తు చేసుకున్నారు. అప్పట్లో గురువులు తన ప్రతిభను గుర్తించి ఎంతో ప్రోత్స హించారని తెలిపారు. ఉపాధ్యాయుల తోడ్పాటుతోనే తాను ఈ స్థాయికి వచ్చానన్నారు. ప్రతి గురువు విద్యార్థి ప్రగతిని కోరుకుంటారని అన్నారు. తన శిష్యుడు ఉన్నత స్థానానికి చేరుకోవాలని ఆకాంక్షిస్తాడని చెప్పారు. ప్రస్తుతం పాఠశాలలో చదువుతున్న విద్యార్ధులు బాగా కష్టపడి ఉపాధ్యాయుల సహకారంతో తన కంటే ఉన్నత స్థానాలకు చేరుకోవాలని కోరారు. బాగా ఎదిగి ఉపాధ్యాయులకు మంచి పేరు తేవాలని చూచించారు. అనంతరం పాఠశాల ప్రధానోపాధ్యాయులు సాల్మన్ రాజును, ఉపాధ్యాయులను దేవరాజు ఆధ్వర్యంలో ఘనంగా సన్మానించారు.