చీరాల : ప్రకాశం జిల్లా చీరాల సెయింట్ ఆన్స్ ఇంజ‌నీరింగ్ క‌ళాశాల బిటెక్‌ మెకానిక‌ల్ ఆఖ‌రి సంవ‌త్స‌రం విద్యార్ధుల‌కు శ‌నివారం జూనియ‌ర్ విద్యార్ధులు వీడ్కోలు స‌భ నిర్వ‌హించారు. స‌భ‌లో క‌ళాశాల సెక్ర‌ట‌రీ వ‌న‌మా రామ‌కృష్ణారావు, క‌ర‌స్పాండెంట్ ఎస్ ల‌క్ష్మ‌ణ‌రావు మాట్లాడారు. స‌మాజంలో ఉన్న‌త స్థాయిలోని వ్య‌క్తుల‌ను ఆద‌ర్శంగా తీసుకోవాల‌ని చెప్పారు. అనుకున్న ల‌క్ష్యం సాధించేందుకు అంకిత భావంతో, ప‌ట్టుద‌ల‌తో కృషి చేయాల‌ని చెప్పారు. దేశాభివృద్దికి పాటుప‌డాల‌ని చెప్పారు.
ప్రిన్సిపాల్ డాక్ట‌ర్ పి ర‌వికుమార్‌, మెకానిక‌ల్ హెచ్ఒడి వి ల‌క్ష్మినారాయ‌ణ మాట్లాడుతూ విద్యార్ధులు త‌ల్లిదండ్రుల‌ను, చ‌దువు నేర్పిన గురువుల‌ను గౌర‌వించాల‌ని సూచించారు. కృత‌జ్ఞ‌తాభావంతో మెల‌గాల‌ని చెప్పారు. విద్యార్ధులు స‌రైన రీతిలో కృషి చేస్తే ఉన్న‌త స్థాయిలో ఉంటార‌ని చెప్పారు. జూనియ‌ర్ విద్యార్ధులు ఆఖ‌రి సంవ‌త్స‌రం విద్యార్ధుల‌కు జ్ఞాపిక‌లు అంద‌జేశారు. కార్య‌క్ర‌మంలో అధ్యాప‌కులు కె శ్రీ‌నివాస‌రావు, అధ్యాప‌కేత‌ర సిబ్బంది పాల్గొన్నారు.
