చీరాల : ఉద్యోగాల కల్పనే లక్ష్యంగా విద్యాబోధన చేస్తున్నట్లు స్థానిక శ్రీ గౌతమి డిగ్రీ కాలేజీ డైరెక్టర్‌ ఎం వెంకటేశ్వర్లు (ఎంవి) పేర్కొన్నారు. కళాశాల ఫెషర్స్ డే వేడుకల సందర్భంగా ఏర్పాటు చేసిన సభలో ఆయన మాట్లాడారు. విద్యార్దులకు ఆయన దిశా నిర్దేశం చేశారు. కళాశాలలో చదువుతున్న విద్యార్ధులకు డిగ్రీతో పాటు ఉద్యోగకల్పన తమ లక్ష్యమని అన్నారు. కళాశాల ప్రిన్సిపాల్ సిహెచ్ వరప్రసాద్ ప్రధమ సంవత్సరం చదువుతున్న విద్యార్ధులను ఉద్దేశించి మాట్లాడుతూ ప్రస్తుత విద్యా విధానంలో డిగ్రీ చదువులు ఇంజనీరింగ్‌తో సమానమని తెలిపారు. డిగ్రీ తరువాత అనేక కార్పోరేట్ కంపినీల్లో ఉద్యోగాలు పొందవచ్చని తెలిపారు. వైస్ ప్రిన్సిపాల్ అచ్యుత్ కుమార్ మాట్లాడుతూ కళాశాలలో మొదటి సెమిస్టర్ నుంచి డిగ్రీ సిలబస్‌తో పాటు అన్ని పోటీ పరీక్షలకు అవసరమైన ఇంటిగ్రేటెడ్ సిలబస్ భోదించటం తమ ప్రత్యేకతని తెలిపారు. కళాశాల అకడమిక్ ఇన్చార్జ్ వడ్లమూడి శ్రీనివాసరావు నూతన విద్యార్థులకు ఆప్యాయంగా స్వాగతం పలికారు. ఇలాంటి వేడుకలు విద్యార్థుల్లో ఆత్మవిశ్వాసాన్ని నింపి సృజనాత్మకతను పెంపొందిస్తాయని అన్నారు. విద్యార్ధులు ఆట, పాటలతో ఆద్యంతం ఉత్సాహంగా వేడుకలు నిర్వహించారు.
