ఏపీ బీజేపీలో కీలక మార్పు జరిగింది. రాష్ట్ర అధ్యక్షుడిగా సోము వీర్రాజు నియామకమయ్యారు. ఈ మేరకు బీజేపీ జాతీయ అధ్యక్షుడు జేపీ నడ్డా అధికారికంగా ప్రకటించారు. సోము వీర్రాజు నియామకం తక్షణం అమల్లోకి వస్తున్నట్లు బీజేపీ ప్రధాన కార్యదర్శి ఉత్తర్వులు విడుదల చేశారు. ప్రస్తుతం కన్నా లక్ష్మీనారాయణ బీజేపీ అధ్యక్షుడిగా కొనసాగుతున్నారు. ఇక నుంచి ఆయన స్థానంలో సోము వీర్రాజు కొనసాగనున్నారు. బీజేపీ ఎమ్మెల్సీగా ఉన్న సోము వీర్రాజును బీజేపీ ఏపీ అధ్యక్షుడిగా నియమించడంపై బీజేపీ శ్రేణుల నుంచి హర్షం వ్యక్తమవుతోంది. తూర్పుగోదావరి జిల్లా కత్తేరు గ్రామానికి చెందిన సోము వీర్రాజు విద్యార్థి దశ నుంచే ఏబీవీపీలో పని చేశారు. దాదాపుగా 40 ఏళ్ల నుంచి బీజేపీలో పనిచేస్తున్నారు.
