చీరాల : చూసేందుకు బుడ‌త‌డే. కానీ అత‌ని ఆలోచ‌నే అంద‌రినీ ఆశ్చ‌ర్య‌ప‌ర్చింది. టిడిపిని గెలిపించాలంటూ సైకిల్‌కు జెండాలు క‌ట్టుకుని ప్ర‌ధాన కూడ‌ళ్ల‌లో తిరగ‌డ‌మే కాదు క‌ర‌ప‌త్రాలూ పంపిణీ చేస్తున్నాడు. అత‌ని పేరు ఆకురాతి డుమిని. చీరాల ప‌ట్ట‌ణం 12వ వార్డు కౌన్సిలర్ ఆకురాతి భారతి మనవడు. సినీ న‌టులు బాలకృష్ణ డైలాగ్స్ తో మన చంద్రబాబునాయుడు ప్రవేశపెట్టిన సంక్షేమ పథకాల గురించి మాట్లాడుతూ ప్రచారం చేస్తుంటే చూస్తున్న జ‌నం ఆస‌క్తిగా ప‌ల‌క‌రిస్తున్నారు. చీరాలలో టిడిపి అభ్య‌ర్ధి కరణం బలరామ‌కృష్ణ‌మూర్తిని గెలిపించే వరకు ప్రచారం ఆగదని చెబుతున్నారు. చీరాల ప‌ట్ట‌ణంలో సైకిల్‌పై అన్నీ ప్ర‌ధాన కూడ‌ళ్ల‌లో జెండాలు క‌ట్టుకుని ప్రచారం చేస్తున్నారు.
మన అందరి భవిష్యత్తు బాగుండాలంటే రాష్ట్రంలో చంద్రబాబునాయుడు రావాలి, చీరాలలో బలరాం ఎమ్మెల్యేగా అవ్వాలి అని ప్రచారం చేస్తూ ప్రజల మన్ననలు పొందుతున్నాడు. అతి చిన్న వయసులోనే భారీ డైలాగ్స్ తో ప్రజల మనసు దోచుకుంటూ ప్రచారంలో దూసుకుపోతున్న చీరాల లిటిల్ స్టార్‌ను అంద‌రూ అభినందిస్తున్నారు. మంచి, మంచి కథలు చెప్తూ ప్రజలు ఆలోచించేలా చేస్తున్నాడు. ఈమధ్య టీవీ5 ఇంటర్వ్యూలో కూడా చంద్రబాబు పథకాలను చెప్తు ప్రజలను ఆహా అనుకునేలా చేశాడు. తను మాట్లాడిన వీడియోను 53వేల మంది చూశారు. ఏదేమైనా కరణం బలరాం గెలుపు కోసం ప్రయత్నించే వ్యక్తుల్లో అతిచిన్న వ‌య‌సున్న “ఆకురాతి డుమిని” ముందు వరుసలో ఉంటాడని చెప్ప‌వ‌చ్చు.
