బాపట్ల : ఆర్టీసీ బస్సు సైకిల్‌ను ఢీ కొట్టింది. ప్ర‌మాదంలో సౌకిల్‌పై ఉన్న యువ‌కుడు తీవ్ర‌గ‌యాలయ్యాయి. వెంట‌నే బాపట్ల వైద్యశాలకు త‌రించారు. చికిత్స పొందుతూ మృతి చెందాడు.
పిట్ట‌ల‌వారిపాలెం మండ‌లం అల్లూరుకు చెందిన న‌ల్లూరి పోతురాజు, లక్ష్మి కుమారుడు సాయి శ్రీనాథ్ గురువారం ఉదయం 05: 45 స‌మ‌యంలో నిత్యవసర సరుకులు కొనుగోలు చేసుకొని సైకిల్‌పై తిరిగి ఇంటికి వెళ్తున్నాడు. పాల కేంద్రం సమీపంలో పొన్నూరు నుండి నిజాంపట్నం వెళ్తున్న ఆర్టీసీ బస్సు సైకిల్‌ను ఢీ కొట్టింది. ప్ర‌మాదంలో సాయి శ్రీనాథ్ రక్తస్రావంతో పడిపోయాడు. వెంట‌నే గ‌మ‌నించిన స్థానికులు బాపట్ల వైద్యశాలకు తరలించారు. చికిత్స పొందుతూ మృతి చెందారు.
