చీరాల (Chirala) : రోటరీ, ఇన్నర్ వీల్ క్లబ్ సంయుక్తంగా స్థానిక రోటరీ (Rotary) భవన్‌లో వారం రోజులుగా నిర్వహించిన యువజన వారోత్సవాల్లో విజేతలైన బాల, బాలికలకు ఆర్‌డిఒ టి చంద్రశేఖర్ నాయుడు, రోటరీ అసిస్టెంట్ గవర్నర్ టి రమేష్ చంద్ర, గౌతమి సంస్థల చైర్మన్ ముట్టే చినవెంకటేశ్వర్లు (ఎంవి) చేతుల మీదుగా మెమేంటోలు, ప్రశంసా పత్రాలు అందజేశారు. ఈ సందర్భంగా వక్తలు మాట్లాడుతూ ప్రపంచ వ్యాపితంగా 200 దేశాల్లో వున్న రోటరీ సంస్థ, 32వేల క్లబ్బులతో, 13లక్షల మంది సభ్యులతో విరాజిల్లుతుందని అన్నారు. పోలియో మహమ్మారిని భూమి మీద నుండి పారద్రోలిన ఏకైక సంస్థ రోటరీ అని పేర్కొన్నారు. నిత్యం అనేక సేవా కార్యక్రమాలు చేస్తూ ప్రజల మన్ననలు పొందుతుందని అన్నారు. రోటరీకి ఏ సహాయం కావాలన్నా ఎల్లవేళలా, తాము చేయటానికి సిద్ధంగా వుంటామని తెలిపారు. రాబోయే సంవత్సరం ఇండోర్ గేమ్స్ మాత్రమే కాకుండా అవుట్ డోర్ గేమ్స్ అయిన వాలీబాల్, పుట్ బాల్, ఖోఖో పోటీలు నిర్వహించాలని సూచించారు. కార్యక్రమంలో చందలూరి బాల వెంకటేశ్వరరావు, నక్కల సురేష్ బాబు, చైర్మన్ వలివేటి మురళీకృష్ణ, పోలుదాసు రామకృష్ణ, బి హేమంత్ కుమార్, జివై ప్రసాద్, చీరాల కృష్ణమూర్తి, ఎస్‌వి స్వామి, శీరాం రమేష్, టి లక్ష్మిప్రతాప్, గుర్రం రాఘవరావు, డివి సురేష్, డాక్టర్‌ ఐ బాబూరావు, ఎం శ్రీనివాసరావు, రామారావు, లక్ష్మి, భాను, రమా, సుభాషిణి, విద్యార్థులు, ఉపాధ్యాయులు, తల్లిదండ్రులు పాల్గొన్నారు.
