చీరాల : ప్రకాశం జిల్లా చీరాల మండలం వాడరేవు శ్రీ రామానంద ఆశ్రమం ఆవరణలో రామానంద సరస్వతి స్వామి వారి జన్మదినం సందర్భంగా కొత్తపేట పంచాయతీ కార్మికులు 35 మంది, చీరాల పరిసర ప్రాంతాల్లోని వివిధ దేవాలయాల్లో పనిచేస్తున్న అర్చకులు, సిబ్బంది 36మందికి నిత్యావసర సరుకులు పంపిణీ చేశారు. 15కిలోల బియ్యం, కందిపప్పు, చింతపండు, నూనె, పసుపు, గోధుమపిండి, సోపులు, ఒక జత బట్టలు అందజేశారు. సెప్టెంబర్ 7న శ్రీరామానంద సరస్వతి జయంతి సందర్భంగా సేవా కార్యక్రమాలు నిర్వహిస్తున్నట్లు ట్రస్ట్ ఉపాధ్యక్షులు కె కృష్ణారావు తెలిపారు. ఈ కార్యక్రమంలో సిహెచ్ వరలక్ష్మమ్మ, మేనేజర్ నారాయణం సురేష్, ఎంజి శంకర్రావు, ఎ కామేశ్వరరావు, శర్మ, కనకలత పాల్గొన్నారు.
