చీరాల : నియోజకవర్గ పరిధిలో ఉన్న బైపాస్ రోడ్డులోని కూడళ్ళలో విద్యుత్ దీపాలను ఏర్పాటు చేయాలని వైసిపి నాయకులు, మాజీ మంత్రి డాక్టర్ పాలేటి రామారావు, వైసీపీ రాష్ట్ర కార్యదర్శి డాక్టర్ వరికూటి అమృతపాణి, చీరాల ఎలక్ట్రికల్ ఏడిఈ శ్రీమన్నారాయణ కలిసి తోటవారిపాలెం నుండి చల్లారెడ్డిపాలెం వరకు ఉన్న అన్ని జంక్షన్లను పరిశీలించారు. ప్రమాదాలకు కారణమవుతున్న జంక్షన్లలో విద్యుత్ దీపాలు ఏర్పాటు చేయాలని డాక్టర్ పాలేటి రామారావు అన్నారు.
బోయినవారి పాలెం గ్రామంలో రైతుల అభ్యర్థన మేరకు గ్రామంలో విద్యుత్ సమస్యలను పరిష్కరించాలని సూచించారు. కార్యక్రమంలో మాజీ ఎంపీపీ గవిని శ్రీనివాసరావు, మించాలా సాంబశివరావు, కొత్తపేట మాజీ సర్పంచ్ చుండూరి వాసు, అక్కయ్యపాలెం మాజీ సర్పంచ్ జంగిలి రామారావు, కుందేరు అభివృద్ధి కమిటీ అధ్యక్షులు కటకం శ్రీనివాసులు, మాజీ ఎంపిటిసి బోయిన కేశవులు, గొల్ల వారి పాలెం మాజీ ఉపసర్పంచ్ గవిని నారాయణ, కోటి రవి, తదితరులు పాల్గొన్నారు.
